Оваа програма е дел од иницијативата Local Works на УСАИД Северна Македонија, која има за цел да ги зајакне локалните актери да преземат водство во идентификувањето и справувањето со развојните предизвици во нивните заедници.

Целта на проектот Инвестиции со општествено влијание во заедниците е да се зголемат инвестициите на приватниот сектор што ќе резултира со позитивно општествено влијание и подобрување на животниот стандард за сите граѓани во четири општини во северозападниот дел на земјата (Сарај, Желино, Брвеница и Теарце).

Овој проект им помага на бизнисите да станат препознатливи двигатели на развојот предводен од иницијативи на локално ниво, со цел заедно со локалните граѓани, граѓанските организации, општинските власти и други интересни групи да генерираат идеи, да развиваат проекти и да мобилизираат ресурси за нивно спроведување.