Плодни дискусии за развој на заедницата со Dawn Carmin, УСАИД Северна Македонија

На 17 јули 2024 година, нашиот тим имаше задоволство да ја пречека г-ѓа. Dawn Carmin, директор за општ развој во УСАИД Северна Македонија, во нашите канцеларии. Таа дојде заедно со програмскиот буџетски аналитичар во УСАИД Северна Македонија г. Крешник Груби. Оваа средба даде одлична можност да се разговара за имплементираните и планираните иницијативи во општините Сарај, Брвеница , Теарце и Желино преку проектот Инвестиции со општествено влијание во заедниците (SIIC), финансиран од УСАИД.

г-ѓа Кармин изрази особен интерес за влијанието на нашите проекти врз овие заедници, барајќи детален преглед на активностите што ги спроведуваме. Презентиравме неколку клучни проекти кои се во тек, меѓу кои развој на секундарни водоводни мрежи, реновирање на инфраструктурата на основните училишта, изградба на рекреативни паркови и спортски стадиони, како и создавање на инклузивни простори за децата со аутизам.

Во одделни дискусии, г-ѓа. Кармин сподели вредни препораки за подобрување и проширување на влијанието на овие проекти, нагласувајќи ја потребата за одржлив развој и вклучување на заедницата во секоја фаза од спроведувањето на проектот. Таа ја подвлече важноста од користење на експертизата на УСАИД за да се зголеми ефективноста на иницијативите.

Преку оваа средба , г-ѓа. Кармин ја потврди посветеноста на УСАИД за поддршка на иницијативите за одржлив и инклузивен развој во Северна Македонија. Таа изрази голема благодарност за досегашниот напредок на проектите и беше оптимист за континуираната плодна соработка помеѓу УСАИД и нашиот тим.

Оваа средба ја гледаме како одлична можност за продлабочување на соработката и продолжување на заедничката работа за да се донесат позитивни и одржливи промени во општините Сарај, Брвеница , Теарце и Желино.