Стадионот „Беса Арена“ во Челопек , инвестиција за иднината на спортот

На 25 јули 2024 год. селото Челопек во општина Брвеница доживеа историски момент со свеченото отворање на новиот стадион „Беса Арена“. Овој амбициозен проект, кој беше изграден од темел во 400 дена неуморна работа, е пример за трансформативната моќ на соработката на заедницата и инвестициите со социјално влијание.

Реализацијата на овој стадион беше овозможена благодарение на поддршката на проектот Инвестиции со социјално влијание во заедниците (SIIC), финансиран од УСАИД Северна Македонија и имплементиран од Фондацијата Албиз. Иницијативата го вклучи придонесот на локалната заедница, дијаспората и поддршката на бизнисите, покажувајќи ја важноста од широко вклучување за проекти со долгорочно влијание.

„Беса Арена“ е важна инвестиција за младите од Челопек и околните места, нудејќи им современ простор за спортски активности, воглавно фудбал. Овој стадион ќе помогне да се промовира активен животен стил, да се зајакне чувството за соработка и да се создадат нови можности за развој на млади спортски таленти.

На свеченото отворање присуствуваше и г. Џери Дибле, претставник на УСАИД Северна Македонија, која ја истакна важноста на оваа инвестиција и позитивното влијание на ваквите проекти врз развојот на заедниците. Нејзиното учество го потврди силното партнерство помеѓу УСАИД и Фондацијата Албиз, истакнувајќи го успехот на проектот SIIC во поттикнувањето на локалниот развој.

Со оваа нова инвестиција, Челопек добива важен спортски центар, кој позитивно ќе влијае на идните генерации и ќе ја зајакне заедницата преку спортски и рекреативни активности.