Inaugurohet stadiumi “Besa Arena” në Çellopek, një investim për të ardhmen e sportit

Më 25 korrik, fshati Çellopek në Komunën e Bërvenicës përjetoi një moment historik me inaugurimin e stadiumit të ri “Besa Arena”. Ky projekt ambicioz, i cili u ndërtua nga themelet brenda 400 ditëve punë të palodhshme, është një shembull i fuqisë transformuese të bashkëpunimit komunitar dhe investimeve me ndikim shoqëror.

Realizimi i këtij stadiumi u bë i mundur falë mbështetjes së projektit Investime me Ndikim Shoqëror në Komunitete (SIIC), të financuar nga USAID Maqedonia e Veriut dhe të zbatuar nga Fondacioni Albiz. Iniciativa përfshiu kontributin e komunitetit vendas, diasporës dhe mbështetjen e bizneseve, duke treguar rëndësinë e përfshirjes së gjerë për projekte me impakt afatgjatë.

“Besa Arena” është një investim i rëndësishëm për të rinjtë e Çellopekut dhe zonave përreth, duke u ofruar atyre një hapësirë moderne për aktivitete sportive, kryesisht për futbollin. Ky stadium do të ndihmojë në promovimin e një stili jetese aktive, forcimin e ndjenjës së bashkëpunimit dhe krijimin e mundësive të reja për zhvillimin e talentit të ri sportiv.

Në ceremoninë e hapjes mori pjesë edhe znj. Jeri Dible, përfaqësuese e USAID North Macedonia, e cila theksoi rëndësinë e këtij investimi dhe ndikimin pozitiv të projekteve të tilla në zhvillimin e komuniteteve. Pjesëmarrja e saj konfirmoi partneritetin e fuqishëm midis USAID dhe Fondacionit Albiz, duke vënë në pah suksesin e projektit SIIC në nxitjen e zhvillimit lokal. Me këtë investim të ri, Çellopeku po fiton një qendër të rëndësishme sportive, e cila do të ndikojë pozitivisht në brezat e ardhshëm dhe do të fuqizojë komunitetin përmes sportit dhe aktiviteteve