Trajnimi për fuqizimin e kapaciteteve të aktorëve lokalë

Më 31 maj dhe 1 qershor 2024, në ambientet e Fondacionit Albiz, u zhvillua një sesion trajnimi i rëndësishëm i fokusuar në kërkimin bazuar në avokim për palët e interesit në nivel lokal. Ky trajnim kishte për qëllim fuqizimin e pjesëmarrësve me njohuri dhe aftësi që do t’u mundësojnë të realizojnë kërkime të vlefshme, të cilat mbështesin përpjekjet për avokim dhe nxisin ndryshime pozitive në komunitetet e tyre.

Në këtë trajnim morën pjesë përfaqësues nga komuna e Sarajit, zyrtarë të qeverisjes lokale, liderë komunitarë dhe përfaqësues të OJQ-ve dhe klubeve rinore. Pjesëmarrësit patën mundësinë të përfitojnë nga sesionet interaktive dhe ushtrimet praktike, ku mësuan për rëndësinë e bashkëpunimit ndërmjet aktorëve të ndryshëm, si atyre formalë ashtu edhe informalë, në avokimin për çështjet lokale. Trajnimi u zhvillua me synimin për të fuqizuar ata që të ndërmarrin dhe zbatojnë projekte që adresojnë nevojat e komunitetit, përmes një qasjeje të bazuar në të dhëna dhe fakte.

Pas përfundimit të trajnimit, pjesëmarrësit dolën me një kuptim më të thellë mbi rëndësinë e kërkimit në avokim dhe mundësitë që ky lloj hulumtimi ofron për të nxitur nisma zhvillimore në komunitetet e tyre. Ky sesion ishte një hap tjetër përpara në forcimin e kapaciteteve të aktorëve lokalë për zhvillimin e qëndrueshëm dhe përmirësimin e kushteve të jetesës.